聽完From Zero呢張專輯，好開心仍然好有我最鐘意嘅Linkin Park式好獨特嘅音樂風格之外，對我黎講仲帶有一份好大嘅感動。🫂 由00年開始認識同聽LP並成為左佢地Fans，嗰陣覺得成隊Band好正，有rap有scream但亦有抒情，然後先知道咩叫Nu-Metal，最深刻04年得16歲嘅我，自己一個去睇佢地黎香港嘅演唱會(仲要企位)，然後學識咩係MoshPit。當我聽緊From Zero嘅時候真係好感動！冇諗過再次會聽到LP有新嘅作品，曾經係我青春歲月支柱嘅呢隊Band，一直都撐住我，所以我都一定撐爆LinkinPark！！🔥🔥🔥 成張專輯再一次令我感受到LinkinPark嘅魔力，精神同佢地嗰團火，由新嘅開始再陪住聽眾渡過生活中嘅困難，鼓勵住大家！💪🏻 對於Chester嘅離開真係覺得好傷心同可惜，相信其他隊員面對Chester嘅離去唔容易，要去接受同願意接任新LP主唱嘅Emily，雙方都一定有唔少壓力，但好開心Mike同其他隊員重新出發，希望大家都接受Emily，我覺得佢把聲係有小小Chester嘅影子。 LP嘅精神能夠得以延續，內心好滾動！咁好嘅音樂，絕對唔應該消失係樂壇。 Linkin Park forever!!!🔥🔥🔥