歡迎嚟到呢座城市

跳進我們的家

來吧眼裡載滿渴望熱情

再看醉人煙花

來吧你我見證偉大未來

全城來肩並肩

人連人手挽手

齊祈求快樂到永久

狹縫之中伸手向天空

沿着街角階梯通往城市迷宮

呢度此路不通迫住跟住系統

生活被失蹤究竟搞乜春

穿過屏風工程進行中

都市下沉中制度穿哂窿

響起警鐘我哋繼續街頭播種

駛乜供奉佢個爛鬼花樽

我話321夠鐘

咪再困喺個籠

係時候解封捍衛自由

係時候發功

我哋為咗發夢可以去到幾盡

再看太陽高掛

來吧你我奮鬥締造繁榮

全城來肩並肩

人連人手挽手

齊祈求快樂到永久

每日嘅起跌係熟悉嘅情節

到底要點去解開纏繞幾代人嘅繩結

我哋要點去承接咁樣至叫做明智

我只係知我開始咗冇辦法停止

即使已走到路口你與我各有路走

我繼續設法去戰鬥去建構我嘅綠洲

就為住一土方休再以狗爪做部首

你要記住我哋嘅訴求

係又冇去到有

Everyone hears the voice

Everyone makes the choice

To bring the glory to us all

全城來肩並肩人連人手挽手

舉起拳頭我哋就話比你哋知

齊祈求快樂到永久

我哋就係代表住呢一個城市

舉起拳頭我哋就話比你哋知

我哋就係代表住呢一個城市

我哋拎得起支MIC就要嚟起圍

畀佢哋感受一下我哋嘅氣勢

今日有乜俾你睇?

就係我哋出得嚟就冇嘢好忌諱

我哋出身龍城並非一事無成

我哋只係想搵到共存嘅途徑

我哋曾經都相信有公平

但係點解只係淪為形象嘅工程

已經無辦法做幫兇

你叫我又點樣可以持續咁樣

活喺你嘅惡夢

我都想變得和睦並唔係惶恐

之但係呢個森林入邊充斥太多害蟲

已經唔想啞忍

我哋存在嘅價值

唔係為咗研究衍生產品

如果你哋眼中得返樓價市值

咁我就真係擔心呢個世代會貶值!

你哋不斷地不斷地不斷地壓榨

就只係壓低水準!

你哋不斷地不斷地不斷地扼殺

就只係殺雞取卵!

我理得你乜黨乜派

你咪見人哋喺度鬧你

你就賴得就賴

點解我仲有貨派?

都只係因為你哋充斥住太多嘅醜態

我要你記住HipHop

唔止係音樂

而係我哋嘅人文學

你哋咪侮辱HipHop

Hip Hop 唔係俾你哋欺世盜名嘅煙幕

我只係要你正視

一個城市應該由佢嘅人民定義

呢啲係我哋嘅事係大家嘅事

以我哋嘅名字嚟伸張正義

去守住呢個都市以我哋嘅名義

嗯歡迎嚟到呢座城市

二十四小時從來都冇停止

若果你問幾時望到明月

我只係知我腳下係我起點